Wednesday, October 7, 2015

توقفوا عن مناداتنا بالعاهرات. نحن لا نكترث



فاطمة الحطاب شقيقة النائبة أنس الحطاب يقال أنها مرشحة لمنصب معتمدة بولاية القيروان. 
يهبطولها تصويرة المفروض تكون شخصية وهي لابسة قصير في عرس ومعها شتيمة.
لأنها مرا يستعملو في لبستها وشرفها باش يحاربوها ويزيحوها عن عالم السياسة. 
ولأن العقلية الذكورية تنجم تلقاها في عقول النساء كيفما تنجم تلقاها في عقول الرجال، برشة بنات مهمش واعين بلي يعملوا فيه وقاعدين يبارتاجيو في الصورة ويشتموا زادة. 
وهاذي مش أول مرة تصير. صارت قبل مع امال كربول وغيرها وغيرها.. 
ومنغير متناقشوني في الأشخاص وزايد إتهامي اني ندائية وكذا. أنا نحكي على ظاهرة لازمنا نوعاو بيها ونوقفها عند حدها.
مش كل مرا تحاول تثبت روحها في دومان معين تتهموها في شرفها ومش كل مرا تحاول توصل فكره وتخمم خارج الصندوق تسموها عاهرة إلخ إلخ (كيفما برشة قاعدين يسمو فيا في وجهي وفي قفايا).
راو المرا إلي توصل تخرج للمجتمع وتواجههم وتحاول تفك بلاصتها أعرف راو سي ديجا الكلام ميأثرش فيها ومايعنيها شي ومعندكم وين باش توصلوا بيه..
شكراً..