الجهل والأمية والنقص في الوعي والثقافة هم من أهم الأسباب إلي تخلي أي بلاد توخر التالي وحال الفرد يولي أسوأ. لذلك كيفما تخوفني نسبة البنات إلي يبطلوا القراية على خاطر ما فيحالهمش ولا خاطرهم بلغوا وأصبح الرحم قادراً الى الإنجاب أو باش يخدموا في منازل الطبقة البورجوازية التافهة (مثلما يقول "صديقي الملحد" هادي بن رمضان)، تخوفني زادة نسبة الشباب إلي يبطل من الدراسة على خاطرها ماعندها وين توصل والبنات إلي تكمل تقرا أكثر خاطر ماعندها ماتعمل ولا على خاطر تعبي في وقتها لين يجيها راجل..
صحيح الدراسة وحدها ماهياش كل شي والدراسة وحدها متجيبش خدمة وشهرية ومستقبل مضمون وباهين والدراسة وحدها متخليش البشر مثقف بأتم معنى الكلمة لكن بيها خير من بلاش.
العقل والعقلية هما الحاجتين الوحيدين إلي بفضلهم تنجم تتحسن حالة البلاد والعباد.
الجيل هذا إلي فاقد الأمل في الدراسة نهار آخر المفروض يربي أجيال. كفاه باش يطلع الجيل القادم كيف ولي أمرو مقراش ومثقفش روحو ولا يقرا باش يعرس؟؟ ويتبع في كلام الميديا وما تمليه عليه ال-pop culture
ميهمنيش إنا نكونو خير من برشة بلدان "عربية". المهم نكون احنا في حد ذاتنا خير..
No comments:
Post a Comment