نقرا مقال علمي.. يعجبني.. نلقى ايمايل السيد إلي كتبو.. نبعثلو ايمايل فيه عشرين ألف سؤال.. ميزيدش ساعتين تلقاه جاوبك إجابة مفصلة. مع العلم إنو السيد هذا بروفيسور في المملكة المتحدة في جامعة لانكستر كاتب عشرين ألف كتاب و عشرين ألف مقال علمي. نبدا نقرالو و إنصلي على النبي.. و نزيدكم زيادة صغير و قطوس.. سبحان ربي اش يخلق.
نحط سؤال في صفحة في الفايسبوك.. يجاوبني سيد و يقلي أبعثلي ايمايل خنحكيو. نبعثلو ايمايل فيه خرمي و مشاكل إلي واجهتهم لكل في البحث متاعي. يمشي يلوج عليا في الغوغل.. يلقى البلوغ متاعي.. يلقى المقالات إلي كتبتهم في "تونس تايمز" يشوف الفايسبوك متاعي.. يعمل تحليل لميولاتي لطريقة تفكيري و يقولي كمل على هذا المنوال و يشجعني وقتلي اساتذتي و أصحابي شككو فيا و في موضوعي. يعمل هكى يبعثلي مقال عندي مدة نحب عليه و موجود في الأنترنات بالفلوس.. جيت نثبت في الإسم نلقاه السيد إلي عندي ساعة نحكي معاه طلع هو كاتب المقال و محاضر في وحدة من أرقى الجامعات في المملكة المتحدة نفس الشيء كاتب 20 ألف كتاب و مقال.
نحط سؤال في نفس الصفحة يكلموني ناس طلبة ماجستير مواضيعهم قريبة لموضوعي من بلدان أجنبية.. نبقاو نحكيو و نتناقشو و نحكيلهم على القراية في تونس و كفاه نعانيو في حكاية التأطير و الأساتذة.. اش يجاوبني واحد فيهم؟ يقلي اعطني الأسئلة متاعك اتو نعطيهم للأنكادرور متاعي يجاوبلك عليهم.
بكيت.. إيه نعم بكيت و إلى يومنا هذا عند غصة في قلبي..
احنا لهنا تبدا تجري في جرة الأساتذة متاعك يبدا كاتب مقال و شوية صرف.. يحسك بكل أنواع الذل إلي الواحد كان جا يطلب في كريم متع الله راو مايحسهاش. و إلي يقهرني أكثر هما الأساتذة الجدد إلي عام لتالي كنت تمقص معاهم في الأساتذة إلي تستحق تمقيس (إلا من رحم ربي).. ولاو يخلصوا شهرية توا سافا.. معادش يهمهم و نساو أيام الذل و ولاو يعملو كيفهم.. طرف فلوس نساتكم.. نعمبو رخصكم. هذا سبب من الأسباب إلي خلاتني منعديش الكباس.. في جرتكم تخليت على حلم من أحلام طفولتي و هي اني نولي نقري بضمير كيف بابا و أختي ونخرج أجيال من تحت يديا.. وقررت نبدا من أصل المرض المعدي إلي عندو برشة منتشر في المنظومة التعليمية إلي ضاربها كل أنواع الأورام الخبيثة. عندي ليكم دواء هايل. اصبروا عليا برك.
نحط سؤال في صفحة في الفايسبوك.. يجاوبني سيد و يقلي أبعثلي ايمايل خنحكيو. نبعثلو ايمايل فيه خرمي و مشاكل إلي واجهتهم لكل في البحث متاعي. يمشي يلوج عليا في الغوغل.. يلقى البلوغ متاعي.. يلقى المقالات إلي كتبتهم في "تونس تايمز" يشوف الفايسبوك متاعي.. يعمل تحليل لميولاتي لطريقة تفكيري و يقولي كمل على هذا المنوال و يشجعني وقتلي اساتذتي و أصحابي شككو فيا و في موضوعي. يعمل هكى يبعثلي مقال عندي مدة نحب عليه و موجود في الأنترنات بالفلوس.. جيت نثبت في الإسم نلقاه السيد إلي عندي ساعة نحكي معاه طلع هو كاتب المقال و محاضر في وحدة من أرقى الجامعات في المملكة المتحدة نفس الشيء كاتب 20 ألف كتاب و مقال.
نحط سؤال في نفس الصفحة يكلموني ناس طلبة ماجستير مواضيعهم قريبة لموضوعي من بلدان أجنبية.. نبقاو نحكيو و نتناقشو و نحكيلهم على القراية في تونس و كفاه نعانيو في حكاية التأطير و الأساتذة.. اش يجاوبني واحد فيهم؟ يقلي اعطني الأسئلة متاعك اتو نعطيهم للأنكادرور متاعي يجاوبلك عليهم.
بكيت.. إيه نعم بكيت و إلى يومنا هذا عند غصة في قلبي..
احنا لهنا تبدا تجري في جرة الأساتذة متاعك يبدا كاتب مقال و شوية صرف.. يحسك بكل أنواع الذل إلي الواحد كان جا يطلب في كريم متع الله راو مايحسهاش. و إلي يقهرني أكثر هما الأساتذة الجدد إلي عام لتالي كنت تمقص معاهم في الأساتذة إلي تستحق تمقيس (إلا من رحم ربي).. ولاو يخلصوا شهرية توا سافا.. معادش يهمهم و نساو أيام الذل و ولاو يعملو كيفهم.. طرف فلوس نساتكم.. نعمبو رخصكم. هذا سبب من الأسباب إلي خلاتني منعديش الكباس.. في جرتكم تخليت على حلم من أحلام طفولتي و هي اني نولي نقري بضمير كيف بابا و أختي ونخرج أجيال من تحت يديا.. وقررت نبدا من أصل المرض المعدي إلي عندو برشة منتشر في المنظومة التعليمية إلي ضاربها كل أنواع الأورام الخبيثة. عندي ليكم دواء هايل. اصبروا عليا برك.
No comments:
Post a Comment