مكتبتي، يا مكتبتي

مكتبتي ضياقت ومعادش ترفع لكتبتي. عندي تقريب 100 كتاب أو أكثر. مازلت مقريتهمش الكل. أما كل كتاب عندي معاه حكاية. فما إلي نكملو في ليلة ونهار. وفما إلي من حلاوتو نبدا نقرا فيه على مهل ومذبية كان كل كلمة نقراها نجبد قبلها نفس وبعدها نفس. وفما إلي نقص عليه خاطر مش جوي ولا يطلع حكاية فارغة. نبدا منجمش نرجعلو ومنجمش نتجاوزو فرد وقت خاطر عندي مرض اسمو "متلازمة لازمني نكملو". يعني إذا بديت في كتاب لازمني نكملو للخر مكانش يجيني الحكاك. حتى لو كان خايب. أما إذا كملتو وهو باقي خايب نبقا نسب في الكاتب. بالظبط كيف نحب شخص (حقيقي مش شخصية خيالية) وفي وسط "الكتاب" يطلع معندوش "plot" اوريجينال ولا مافيهوش "climax" ولا يطلع "asshole" (مازلت نحكي على الكتاب colonthree emoticon )، أما في نفس الوقت نبدا نقول لا ميسالش زيد اقرا بكشي يطلع يحبني أما differently (نحكي على الكتاب زادة) ولا تطلع النهاية باهية. وبعد نقول لروحي "وات إف منحبوش يكون عندو نهاية؟ وات إف نحب يكون فيه برشة أجزاء وفي كل جزء تلقى برشة "suspense" و "climax"؟" هذاك علاه من منبري هذا قررت اني كيف كتاب ميعجبنيش نقص عليه ونرجعو للمكتبة خاطر وبكل بساطة نجم نكون ضيعت فرصة قراءة كتاب ما خير وفي نفس الوقت منلوحوش باش يبقالي "reminder" ومنعاودش صنعتي.