نحبك هادي

بعد متفرجت على "نحبك هادي": 

1- حتى أنا نحبك هادي 

2- الأحداث في القيروان: أفضل مكان في نظري تصير فيها الأحداث هذي 

3- مشاهد ساخنة مدروسة وناضجة (على عكس أغلب الجمهور الحاضر) 

4- "البراق" متتنطقش هكاكة 

5- نحب واحد بهلول قطوس مغمض كيف هادي

6- حطمتولي قلبي بالنهاية 

7- فهمت إنو معركة التخلص من التقاليد والزواج الأعمى هي معركة لازم يخوضها بنات ولاد مش بنات كهاو 

8- قصة "نحبك هادي" هي واقعية علخر أما المشكل إنو أغلب الشباب راضين ويحبو على قطوس في شكارة والدليل على ذلك إنو ريم كانت فقط الشخص إلي ساعد هادي باش يفرغ طرف كبت وفرغ قلبو على امو.. النهاية متوقعة بما إنو الشاب التونسي "العادي" كيف هادي في آخر المطاف يحب على الإستقرار وميحبش العيشة لكل مغامرات وحرية.. إستانسو كل شي مسطر مع بعض من الرمرومات بين الحين والآخر 

9- النهاية شميتها قارصة خاطر حسيت روحي "insecure" تقولش عليا أنا who is going to get dumped 

10- البناويت إلي في الصالة حليلي كلهم فدو/ غارو من ريم بن مسعود 

11- بدلت رايي نكرهك هادي ونحب واحد عندو شخصية 

‪#‎nhebbek_hedi‬ 

‪#‎no_i_don_t‬