لا نجم نتنفس ولا نعمل كاس
ولا نضرب أسداس في خماس
جهامة فوق الأرض
نرعب! نخوف إلي تحت لارض.
عايشة حياتي الكل في الخوف
يشوفني مشروع عرس
العرس نشوف فيه حفرة،
لا لا! هفهوف!
ساق في الهواء وساق فوق قشور الموز
ربهم، بدن بلا عقل؟ بلا روح؟
حتى البدن مش موجود
لا ساق لا زنود
لا وجه لا قلب لا خدود
أرحام تجيب الصغار
وتحرم روحها.. باش تعمل عيلا وتبني دار
"يحرق الكرش إلي جابتك"
يحرق الأرحام إلي جبتوها..
يحرق الأرحام إلي باش تجيب.
No comments:
Post a Comment