إلي ننوي نعملو: باهي. نروح 5. نرقد نص ساعة. نقوم نشرب قهوة ونصحصح ونحط نقرا حتى ماضي تلاثة متع الليل. نورمال.
إلي يصير: نروح 5. نقوم بعد ساعتين. نشرب قهوة. نبقى نلعب مع صغار أختي. نضرب ساعتين و أنا نتعشا.. حتى كان كليت مليح.. نحط اللابتوب بش نقرا نقول نعمل طالا على فايسبوك الساعة. نحل نلقى 20 ألف ميساج. نجاوب عليهم تتحل هدرة. تجي ال11. نقول نورمال. نجم نعمل 4 سوايع قراية. باهين. نجوع مرة أخرى. نحط ناكل و أنا نتفرج في مسلسل. توفى الماكلة و المسلسل موفاش. لا لزمني نكملو. جات نص الليل و نص فديت من روحي فدة مزمرة. نكتب الستاتي هذا، نحط فيلم لين يهزني النوم! و ننوي اني غدوة صباح نقوم بكري و نحط نقرا. إيه نفهم فيك ا ندى.
يوميات طالبة ماجستير
No comments:
Post a Comment